নমস্কাৰ, এই পোষ্টটোত আমি অসমীয়া কবিতা(Assamese Poems on life) ৰ মোহনীয় জগতখনৰ মাজেৰে যাত্ৰা আৰম্ভ কৰিছো গভীৰ আৱেগ আৰু গভীৰ চিন্তা-চৰ্চাক সুন্দৰকৈ ধৰি ৰখা এক মনোমোহা কেনভাছৰ মাজলৈ। বন্ধুত্ব, প্ৰেম, জীৱনৰ চিৰন্তন সাৰ, যন্ত্ৰণা, আৰু গ্ৰহণযোগ্যতাৰ বিষয়বস্তুৰ মাজত গভীৰভাৱে সোমাই থকা অসমীয়া কবিতাৰ এক মন্ত্ৰমুগ্ধ সংকলন অন্বেষণ কৰক।
প্ৰতিটো শাৰীত অসমীয়া কবিতাৰ বাকপটু মাধ্যমেৰে নিখুঁতভাৱে ৰচনা কৰা মানুহৰ আৱেগৰ চিত্ৰসমূহ উপভোগ কৰক। এই ভাষিক শিল্পৰূপৰ কাপোৰত বোৱা আত্মাক আলোড়িত কৰা অভিব্যক্তিবোৰ উন্মোচন কৰাত আমাৰ সৈতে যোগদান কৰক।
Assamese Poems on life
এই ছয়টা উল্লেখযোগ্য অসমীয়া কবিতাৰ মাজেৰে আমি ইয়াত উন্মোচন কৰিছো অসমীয়া ভাষাৰ নিৰ্মল সৌন্দৰ্য্য আৰু গভীৰতা। কবিতাবোৰে বন্ধুত্ব, প্ৰিয়জন, জীৱনৰ চিৰন্তন সজীৱতা, দুখ, গ্ৰহণযোগ্যতাৰ বিষয়বস্তু স্পৰ্শ কৰিছে।
আমাৰ আজিৰ কবিতাসমূহ হ’ল-
মানৱ আৱেগৰ বৰ্ণালীক জটিলভাৱে চিত্ৰিত কৰা এই কবিতাসমূহৰ শিল্পকলা উন্মোচন কৰিবলৈ আমাৰ এই যাত্ৰাত যোগদান কৰক। (Assamese Poems on life)
- নিজক বিচাৰি
——————–
অসীম স্বপ্ন মোৰ
অসীম মনৰ ভাৱনা ,
আন্ধাৰ আৰু নিসংগ অৰণ্যত
নাজানো ক’ত মোৰ ঠিকনা!
হাবাথুৰি খাইছো
নিজক বিছাৰি
এই ভৰ অৰণ্যৰ মাজত ,
হিংস্র জীৱ , সাপ
আৰু বিষাক্ত পোক-পৰুৱাৰ
সন্মুখীন হৈছো প্ৰতি খোজত ।
মৃত্যু কেতিয়া
ভাৱনাত ৰাখিছো ,
ভয় সংকোচ আৰু বাধাক
ভৰিৰ গোচকত থৈছো !
দৃঢ় মনৰ নক্সাৰে
ভূল পথে নগৈ
এন্ধাৰ এৰি পোহৰলৈ
বাট মেলিছো ।
তথাপিও অৰণ্যৰ গভীৰতালৈ
আগবাঢ়িছো নিৰ্ভয়েৰে,
মাথো বিচাৰিছোঁ
নিজক আৰু নিজৰ প্ৰতিচ্ছবিক
স্ব-স্থানত ৰাখিবলৈ ।
- মোৰ মনৰ তুমি ঠিকনা
——————————-
তোমাৰ বাবে মই
বিষাদ যদিও
মোৰ সপোনৰ কুঁহিপাতত
তোমাৰ অস্তিত্ব
বিচাৰি চাবা এবাৰ ।
ভালপোৱা কিনো কয়
সেয়া মই নাজানো ,
মাথো ভাৱনাৰ মাজত
তোমাক ৰাখিছোঁ সযতনে ,
মোৰ কোমল বুকুখনৰ
নিষ্পাপী মনটোক
তোমাৰ ছবিয়ে নষ্টালজিয়া কৰিছে ।
তুমি যে মোৰ বাবে
স্বপ্নৰ অনুপমা ,
মোৰ হৃদয়ত
তোমাৰ নামৰ ঠিকনা,
অভিমানী তুমি
বুজিও নুবুজা ।
- ভগৱান
————–
ব্যস্ত জীৱনত অকণমান সময়
দিলো তোমাৰ বাবে,
স্থিতপ্ৰজ্ঞ নহলেও
লিখিলো কিছু কথা
তোমাৰ বাবেই ।
সন্ধান কৰিবলৈ সক্ষম নহয়
মোৰ বিবেকেৰে ,
সোণৰ দৰে সুদৰ্শন তুমি
বসবাস কৰা অন্তৰতে ।
তোমাৰ গুন গাবলৈ
সাধ্য নাই মোৰ
মাথো মিনতি কৰিছোঁ
ভক্তিৰ চলেৰে ।
মই পৃথিৱীৰ এক ধূলিকণা
নাই মোৰ অস্তিত্বৰ ঠিকনা ,
তুমি অবিহনে
জীৱন যে পঙ্গুৰ দৰে
সেয়া কথাতো ঘাইশিপাৰ দৰে ।
পাপী মই…..
নুবুজো তোমাৰ লীলা
মইতো অভাজন
নাজানো তোমাৰ জ্ঞানৰ কথা ।
- ক্ষুদ্ৰ ধুলিকণা মই
————————-
ধূলিস্যাতৰ ধুলিকণা মই
পৃথিৱীখনৰ এটি ক্ষুদ্ৰতম
নাই মোৰ কোনো অস্তিত্ব ,
সকলোতে ঘূৰি ফুৰা
এটি ক্ষুদ্ৰ ধূলি।
নিৰ্ভীকতা দেখুৱাই
বাটে পথে সিঁচৰিত হওঁ
ভাগৰুৱা হৈ,
আকাশলৈ উৰুৱাও।
নিৰ্ভীক দেখুৱাও যদিও
ভয়তো মোৰো লাগে,
কাঁইট থাকে জীৱনৰ
প্ৰতিটো পলত, প্ৰতিটো ক্ষণত ।
নিষ্ঠুৰ নে অস্থিৰ
গমকেই নাপাও !
তথাপিও ভালেই লাগে
কিবা এটা ।
মই যে ধূলিৰ চাৱনি
ধূলিৰ লগত সিঁচৰিত,
এটি মাত্ৰ ক্ষুদ্ৰ ধুলিকণা মই ।
বতাহে নিয়ে উৰুৱাই
উৰি উৰি যাও আগুৱাই,
ক’ত স্তব্ধ হ’ম!
ক’ত অন্ত পৰিম!
এক অচিন যাত্ৰাত
এটি ক্ষুদ্ৰ ধুলিকণা মই।
- শীতৰ আগমন
———————
শুভ্ৰ নীল আকাশত,
শুক্ল মেঘৰ তলত ,
বিয়পিছে মলয়া বতাহ;
শ্যামল শস্যক
কাণে কাণে কৈ গৈছে
শীতৰ আগমনৰ কথা।
প্ৰকৃতিৰ এই কাহিনী
বছৰে বছৰে দিয়ে জাননী,
তুমিয়েইতো শীতৰ দেৱী
নিৰিৱিলি যেন তোমাৰ মুখখনি ।
- শাৰদী ৰাণী
——————
““সপোনৰ ডেউকা মেলি
গুজিবলৈ আহিছো ,
শৰতৰ স্নিগ্ধ ফুল
তোমাৰ খোপাত ।
নিয়ৰৰ টোপালত
সাঁচি ৰাখিছো
মুকুতাৰ উজ্জ্বল মণি
তোমাৰ বাবে,
নহবা উদাস তুমি অভিমানী
বতাহেদি দি যাম ফুলৰ সুগন্ধি ;
ভাল লাগে মোৰ
তোমাৰ কোমল মুখখনি ।”
“শুভ্ৰৰঙী হৈ জিলিকি উঠিছা
মোৰ শৰতৰ তুমি
শাৰদী ৰাণী !
শৰতে পিন্ধে শুভ্রতাৰ বসন
ধাননিদৰাই ৰঙ বিৰিঙিছে
সোণালী বৰণ ।
মোৰ উত্তাল মনত
তুমিয়েই দিছা প্ৰেমৰ জীৱন ,
হাঁহিৰ জোৱাৰ তুলিছা
তোমাৰ এই আলসুৱা ক্ষণত ।
সপোন ৰঙৰ জীৱন তুমি
আকৌ এবাৰ আহিছাহি
বুকুত প্ৰেমৰ মাদকতা জগাবলৈ
বহু যুগৰ তুমি শাৰদী পৰী । “”
___________
বন্ধুসকল, আজি আপোনালোকলৈ ওপৰৰ ৭টা অসমীয়া কবিতা (Assamese Poems on life) আগবঢ়োৱা হ’ল। কবিতাবোৰ কেনেকুৱা হ’ল জনাবলৈ নাপাহৰিব আৰু আমি কি ধৰণে আমাৰ লিখনি সমূহ আৰু উন্নত কৰিব পাৰো সেই বিষয়ে জনাব বুলি আশা ৰাখিলোঁ।
আজিৰ কবিতাবোৰৰ ভিতৰত আটাইকেইটা কবিতা আগবঢ়াইছে নলবাৰী কলেজৰ স্নাতক প্ৰথম ষান্মাসিকত পঢ়ি থকা ছাত্ৰ ভাস্কৰ ৰাজবংশী (Bhaskar Rajbonshi) য়ে। তোমালৈ অশেষ ধন্যবাদ। আপোনালোককো ধন্যবাদ , ইমান সময় আমাৰ ৱেবচাইটত সময় দিয়া বাবে, আশা কৰোঁ এনেকৈ সদায় আগুৱাই যোৱাত সহায় কৰিব।
বিদ্ৰঃ আমাৰ ৱেবচাইটৰ পৰা কোনো লিখনি নকল নকৰিব , কৰোৱাত ব্যৱহাৰ কৰিলেও লেখকৰ নামৰ সৈতে ৱেবচাইটৰ নাম উল্লেখ কৰিব।।
Share your poems with us,
Gmail- ocibuloc@gmail.com
These all are from our side, now your turn, please leave your valuable comment here & your opinion on all our Assamese Poems on life. Thank you.
Recommend posts-
M. S. Dhoni : The Untold -Biography
Thank you again
With love
Oc 💖
Connect with Us
Follow us on Twitter & Instagram for updates, insights, and a glimpse into my world! Let’s stay connected.
KEYWORDS- Assamese Poems on life, assamese poem, emotional assamese poem, life assamese poem, assamese poem love
