অসমৰ হৃদয় অন্বেষণ : 4টা অসমীয়া কবিতাৰ সংকলন । Romantic Kobita

Romantic kobita । অসমীয়া কবিতা ॥

সকলোলৈ এক আন্তৰিক শুভেচ্ছা, অনুভূতিৰ পৰিসৰ প্ৰকাশ কৰা সুন্দৰ কবিতাৰ জৰিয়তে অসমৰ হৃদয় অন্বেষণ কৰিবলৈ সাজু হওঁক। আজিৰ পোষ্টটোত আমি আপোনালোকৰ বাবে লৈ আহিছো প্ৰেম আৰু আৱেগৰ সাৰমৰ্মক ধৰি ৰখা চাৰিটা বিশেষ কবিতা।

   এই যাত্ৰাত আমাৰ সৈতে যোগদান কৰক যেতিয়া আমি এই মনোমোহা romantic kobita বা অসমীয়া কবিতাবোৰৰ বাবে অনন্য আৱেগ আৰু অভিজ্ঞতাৰ গভীৰতালৈ যাম। 

আমাৰ আজিৰ অসমীয়া কবিতাবোৰৰ শিৰোনামা-

১। প্ৰেয়সী

২। উত্থান

৩। প্ৰণয়ৰ ৰাগিণী

৪। তোমাৰ মায়াজাল

Read Related Post – আমাৰ আন অসমীয়া কবিতাবোৰ

প্ৰেয়সী –  A Romantic Assamese Poem

Romantic kobita । অসমীয়া কবিতা ॥
প্ৰয়সী – কবি ৰাজ। photo by Unique things by Oc

প্রেয়সী

তোমাৰ মৌসনা কথাবোৰে যেন

মতলীয়া কৰে সেউজীয়া যৌৱন ;

তোমাৰ চাৱনিৰ অচিনাকি নীলিমাত

উৰি যায় মোৰ বহেমিয়া মন । 

ৰাগিয়াল সুৰ হৈ নামা, 

তুমি সানা হৃদয়ত মাদকতাৰ কণিকা

সাতোৰঙী ৰামধেনুৰ ৰাংঢালী বাসনা তুমি

হ’বানে মোৰ অপৰূপ বৃন্দাবনৰ ৰাধিকা? 

শাৰদীয় নিশাৰ

পূৱালী বতাহ তুমি, 

শেৱালিৰ সুগন্ধি হৈ

জুৰ পেলোৱা মোৰ মন অভিমানী। 

চকুজুৰি তোমাৰ মন মোহিনী

প্রতিপল কৰি তোলা তুমি শুৱনি , 

দিঠকত নহ’লেও সপোনত হ’বা নে 

মোৰ মন সৰগৰ প্ৰেয়সী.. ।।🤍

                                                  ✍️ৰাজ

Read Related Post – Top Places of Guwahati That You Need to Visit

উত্থান – An emotional assamese poem

 উত্থান

শৰতৰ যামিনীৰ ৰূপালী লহৰত

নিৰিবিলি হিয়াত কোলাহলৰ ৰহণ,

দুগালে নিগৰা চকুলোৰ চেকুৰাত

ফুলিছে আজি বিষাদৰ কানন । 

এন্ধাৰৰ শোষণত মৌনতাৰ আৱৰণ, 

তাতেই উমলিছে ব্যর্থতাৰ প্রভাত। 

অৰ্থহীনতাত ভূগিছে অনুভৱী জীৱন 

কিয়নো সুখবোৰো ভাগৰিছে দুখৰ বোজাত…।। 

কুঁৱলীৰ নিহালীত প্ৰণয়ৰ উশাহত

নামিছে শূন্যতৰ জলপ্ৰপাত ;

ক্লান্ত হৃদয় ৰুগ্ন হৈ পৰিছে, 

শুনি অহৰহ অতীতৰ বাৰ্তালাপ।। 

 আশা নিৰাশাৰ সুৰ বুটলি

পুৱতি আকাশত ৰচিছো বাৰুদৰ গান। 

পোহৰ সাৱতি আগুৱাইছো আজি

শুনাবলৈ সেই গানৰ কলতান … ।। 

                                            ✍️✍️ ৰাজ

Read Related Post – Best Picnic spots of upper Assam

প্ৰণয়ৰ ৰাগিণী – Romantic Kobita

প্ৰণয়ৰ ৰাগিণী

তৃষ্ণাতুৰ হৃদয় আজি জুৰ পৰে, 

দেখি তোমাৰ অৰুণিমা কায়া ;

মেঘালীৰ আঁৰত স্বপ্ন ৰচি

দিঠকত সানা প্রেমৰ মায়া।। 

আবেলিৰ কেঁচা ৰ’দালিৰ অঙ্গনত

চিকমিকায়ই তোমাৰ ছাঁয়ানৃত্য

নিৰৱ নিশাৰ সঙ্গীবিহীনতাত

গুণগুণাই তোমাৰ কণ্ঠবাদ্য

অজান দেশৰ পখী হৈ

মাতিবা মৌসনা মাতেৰে 

ফাগুনৰ পচোৱাত নিগৰা সৰাপাত হৈ

এৰি নাযাবা মোক অকলশৰে..🍁

                                                  ✍️✍️  ৰাজ

Read Related Post – Assam Milk Tea :How to make, its benefits, etc..

তোমাৰ মায়াজাল – ata romantic kobita

Romantic kobita । অসমীয়া কবিতা ॥
romantic assamese poem by Raj

তোমাৰ মায়াজাল  

হাততে তোমাৰ জেতুকাৰ বোল , 

ওলমিছে কাণত সোণালী দুল ।

মৰমেৰে উপচা তোমাৰ লিহিৰী দেহাই

কৰিছে মন মোৰ উগুল থুগুল ॥

কিহেৰে সানিলা তুমি যৌৱনৰে মায়াজাল

শয়নতো যে তোমাৰে আভাস। 

প্ৰেমৰে পছোৱা বলিছে বুকুতে 

প্ৰতিপল লওঁ কেৱল তোমাৰ নামৰে উশাহ ॥

জিৰি জিৰি বৈ মোৰ হৃদয়ৰ ৰাগ

বিয়পায় প্রেমৰ হেজাৰ পৰাগ ;

তোমাৰ সুৰৰ অপেক্ষাত ৰৈছো কেৱল

সানিবলৈ পৰাণৰ গানত তোমাৰ বোল ॥                                    

নিবিড় আবেলিৰ সোণালী ৰ’দালিত 

উন্মুক্ত তোমাৰ নীলাভ দুচকু,

জোনাকী নিশাৰ কপাহী চাদৰত

প্ৰণয়ৰ আৱেগেৰে তোমাক আকোঁ ॥

                                             ✍️✍️ৰাজ

Read Related Post – আমাৰ ব্লগ সমূহ – পঢ়ক 

সামৰণি-

ৰোমান্টিক অসমীয়া কবিতাৰ মাজেৰে আমাৰ কাব্য যাত্ৰাৰ শেষলৈ অহাৰ লগে লগে আমি আশা কৰোঁ এই শ্লোকবোৰে আপোনালোকৰ হৃদয় স্পৰ্শ কৰি এই Romantic Kobita -ৰ সৌন্দৰ্য্য আলোকিত কৰিছে। কবিতাৰ শক্তিৰ জৰিয়তে আমি ৰোমান্টিক অসমীয়া কবিতাৰ সংজ্ঞা দিয়া আন্তৰিক আৱেগক উদযাপন কৰোঁ। এই মোহনীয় অসমীয়া কবিতাৰ অসংখ্য দিশসমূহ অন্বেষণ কৰি যাওঁতে আৰু অধিক সাহিত্যিক আনন্দৰ বাবে লগত থাকক। অহাবাৰলৈ অসমীয়া কবিতাৰ সৌন্দৰ্য্যই আপোনাৰ আত্মাক অনুপ্ৰাণিত আৰু উত্থান কৰক।

বন্ধু সকল, আমাৰ আজিৰ কবিতাবোৰ আগবঢ়াইছে ৰঙিয়াৰ পৰা ৰাজে তোমালৈ অশেষ ধন্যবাদ জনালোঁ আৰু উজ্জ্বল ভৱিষ্যত কামনা কৰিলো ।

      আপোনালোকলৈও অশেষ ধন্যবাদ, আমাৰ পেজত ইমান সময় দিয়াৰ বাবে, ওপৰৰ কবিতাবোৰ যদি আপোনালোকে ভাল পাইছে, তেনেহ’লে এটা কমেন্ট কৰি আমাক জনাবলৈ নাপাহৰিব।

N.B– Please without our permission don’t copy these poems. If you want then share it with the author’s name and don’t forget to mention our website as www.ocibuloc.com

 প্ৰিয় বন্ধুসকল, যদি আপোনালোকেও আপোনাৰ কবিতা, গল্প এনেদৰে পোস্ট কৰিব বিচাৰে তেতিয়া হ’লে পলম কিহৰ! এতিয়াই  আমাৰ gmail একাউণ্টত আপোনাৰ নাম বা ছদ্ম নামেৰে আপোনাৰ কবিতা প্ৰেৰণ কৰক। আৰু আপোনাৰ কবিতাও এনেকৈ আমাৰ ৱেবচাইটত প্ৰকাশ কৰক। 

These all are from my side today, now your turn in the comment box. If you want to support my writing 𝙗𝙪𝙮 𝙢𝙚 𝙖 𝙘𝙪𝙥 𝙤𝙛 𝙘𝙤𝙛𝙛𝙚𝙚, If not able right now it’s ok. Try again. Thank you for reading the full blog.

Leave your valuable comment below

With Love❤

Unique Things by Oc

Keyword-

assamese poem, emotional assamese poem, life assamese poem, assamese poem love, romantic assamese poem, assamese, kobita assamese, kobita, romantic kobita, assamese kobita, অসমীয়া কবিতা ৰোমান্টিক, কবিতা অসমীয়া, অসমীয়া কবিতা

Sharing is caring!

4 thoughts on “অসমৰ হৃদয় অন্বেষণ : 4টা অসমীয়া কবিতাৰ সংকলন । Romantic Kobita”

  1. Can’t express how overwhelmed I am. Lots of thanks to Ocibul for providing such a splendid platform to the young writers like us to show their works to the literature enthusiast community. I hope the lovely readers will shower their immense love and will support us in the coming future ❤.
    -Raj

Leave a Comment

Discover more from Unique Things by Oc

Subscribe now to keep reading and get access to the full archive.

Continue reading